Inicio Educación en Salud Suach sunkursha (Tuberculosis)

Suach sunkursha (Tuberculosis)

SUACH SUNKURSHA



¿WARIMPIAI SUACH SUNKURSHA?
Suach´ sunkurká tíi utsumakminiaiti, suach amunaki wuwiti júu sunkurka, tura meernash, ukunchnash, ampujnumash, mutsuknumash amakrtniuiti, aentsun ajakmaam.


¿Itiura utsumatain suach sunkursha?

Aents, suach´sunkurjai jáa, naka wajás ujutna nui utsurkamniaiti, ujútuk usuki ikitiák nui iniankrateawai.

  • Tsuemu amákratniuiti.
  • Entsanak ijiaru.

URUKTAIMPIAI SUACH´ SUNKUR TAKAKKURSHA:

  • Ujutuk ujukan kantekun 15 tsawannash iniánkas pujuwiti.
  • Kuntú kuntú, nuyá Pimpí pimpí nekaptainti.
  • Watsaki wetainti.
  • Tsuemu amákratniuiti.
  • Kashi semtainti.
  • Tsukash emenkaki weaji.


¿itiur tsuarminiait suach sunkursha?

Tsuartinkia antrankete kuitchajai, aentska wekayat tsuaknaka umarminiaiti, teperchattawai.

 



Ii aentsri jea jáa tepakui ¿itiurkattaj´?

  • Mash kakamtikratniujti.
  • Tsuakan mash amuktiniaiti ajaptsuk, tsuriatsuk.
  • Ewej entsa japunjai nijiamartiniaiti, yurumattakur, nuyá yurumarish.
  • Ichinkian, pininksha mash nijiakar takústiniaiti.
  • Jáa kanutairinkia penker tsaápin, wapiktincha aátiniaiti.

Shiik, usuk kantekujai penker júuka ikiusar aesatniuiti

Nuku chicharkur uchi ijiumtikiawarta titiniaitji BCGjai, suach´sunkur achimiakrain tusar, sunkur kakármaiti, ajakturminiaiti.

Actualizado (Miércoles, 06 de Julio de 2011 18:35)